நதிவனம்

'அடிசில்' இலக்கியச் சுவை கமழும் உணவு நாட்காட்டி காலச்சுவடு பதிப்பகத்தின் வெளியீடாக 'அடிசில்' என்ற பெயரில் தமிழ் இலக்கிய ரசம் சொட்டும் சுவைமிக்க ஒரு கவிதை நாட்காட்டி என் கைகளில் புரண்டு கொண்டிருக்கிறது. 'அடிசில்' என்றால் சோறு, அரிசி, அடுக்களை....எனப் பல பொருள்களைத் தருகின்றன தமிழ் அகராதிகள். "சீருடை அடிசில் நல்ல செழுங்கறி தயில் நெய் பாலால்......' என்று சேக்கிழாரின் பெரிய புராணத்தில் ஒரு வரி வருகிறது. ஆண்டாள் பாடிய நாச்சியார் திவ்ய பிரபந்தத்தில் அடிசில் பற்றி ஒரு வரி வருகிறது. சங்க காலத்து இலக்கியப் பாடல்களில் அநேக இடங்களில்; உணவின் சுவை நயக்கக் கையாண்ட சொல்லாக இது வருகிறது. நாட்காட்டியை இன்னமும் சுவரில் தொங்கவிடவில்லை. அதை தொங்க விடுவதா அல்லது நினைத்தவுடன் புரட்டிப் பார்க்கும் வகையில் கைகளிற்குக் கிட்டவாகவே வைத்திருப்பதா என்று இன்னும் நான் தீர்மானிக்கவுமில்லை. முதற்பக்கமே ஒரு வெண்கல தூக்குச்சட்டியோடு இலக்கியத்தைச் சமைத்துண்ணத் தயாராக இருக்கிறது! பிரசாந்தி சேகரத்தின் ஒரு அருமையான நினைவுப் பகிர்வினை அள்ளிக் கொண்டு விரிகிறது சுவை சொட்டும் ...

நீயாகிப்போகும் நான்!  ------------------------------------- காலையும் மாலையுமான  நியமத்தளை அறுந்தெறிந்து  நெடுநாளாய்   அலைகிறது மனம்!  ஊனுருகித் தினம்  உயிர் கரைந்து  நினைவுகளால்  நிரம்பித்  துடிக்கிறது தினம்!  மேனியெங்கும் தணல்  மின்னலாய் கோடிழுக்கும்  காமத்தீயின் சுடர்! மோகப் பெருநதியின்   ஊற்றுக்கால் உடைந்துந்தன்  மார்பில் புதைந்தழிந்து    நீயாகிப் போகும் நான்!  நெற்றிக்கண் திறவாதுன் முகம்  கட்டி முடித்த கருங்குழல்  ஒற்றைப் பொன்முடியின்   ஓர் நுனியசைவில்    சுற்றிச் சுழன்றடிக்கும் காற்று  விட்டுவிடா விதியின் பெருங்கரத்தில்  பிரபஞ்சப் பெருவெள்ளம்!  மோனப் பெருவெளியின் மையம்  வான முகடு தொடும்  மலைகள்  காடுகளும்  நதிகளும்  கடல்களுமானதுன் காலம்!  ஆக்குவாய்  நீ  காப்பாய்   பின்னின்றழிப்பாய்  அருள் தருவாய்  தாக்குமென் தேகப்பெருந்தீயைப்   போக்குவாய்  புகுந்திடுவ...

கப்டன் மயூரன் இயற்பெயர்: பாலசபாபதி செல்லப் பெயர்: சபா பிறப்பு: 01-11-1971. வீரமரணம்: 11-11-1993 தந்தை: சபாபதிப்பிள்ளை தியாகராஜா, தாய்: சிவகாமசுந்தரி தியாகராஜா. பிறப்பிடம்: ஆத்தியடி, பருத்தித்துறை பங்குபற்றிய இறுதித்தாக்குதல்: பூநகரி தவளைப் பாய்ச்சல் தமிழீழ விடுதலையை நோக்கி இயக்கத்தில் இணைந்தது 1987- தை இணைவதற்கு தூண்டு கோலாக அமைந்த சம்பவம் யாழ் மாவட்டப் பகுதியில் சிங்கள அரச இராணுவத்தின் கட்டு மீறிய அட்டூழியம். மற்றும் சகோதரான் கப்டன் மொறிஸ் இன் விடுதலை இயக்கப்பணிகளும் அவன் இணைந்து பணியாற்றும் தமிழீழ விடுதலைப் புலிகளின் தமிழின விடுதலை நோக்கும் அசைக்க முடியாத உறுதியும்! போராட்டத்தில் இணைந்தவுடனான ஆரம்ப பயிற்சி போராளிகளின் பாலை(காடும் காடு சார்ந்த நிலமும்)நில வாழ்வுடனான போராட்டப் பயிற்சி. இணைந்திருந்த பயிற்சிக் குழு ஆரம்பத்தில் கிட்டுமாமா தலைமை. பின்னர் வீரமரணம் அடையும் வரை சொர்ணம் தலைமை. பணியாற்றிய குழு ‘ஓ’ குறூப் அல்லது ‘சைவர்’ குறூப் எனப்பட்டது. போராட்ட காலம் முழுவதும் வாழ்ந்தது தலைவரின் அருகாமை. தலைவரின் குடும்ப உறுப்பினர்களுடன் உறவாடி… விளையாடி… அதனோடு மண்ணிற்கா...

படைப்புகளிற்கான அன்பளிப்பு – சில ஞாபகங்கள்..! 4 December 2013 at 14:02 Public Friends Only Me Custom Close Friends Non Album Viewers. See all lists... Closed Friends- Non Album Relative Closed friends NO....Noting London, United Kingdom Area Family Go Back    முன்னர், எண்பதுகளில்(1980ற்குப் பின்னர்) நான் மேல்வகுப்புப் படித்துக் கொண்டிருந்த காலத்தில் இலங்கையில் இரண்டு தமிழ் பத்திரிகைகள் பிரசித்தி பெற்ற தேசியப் பத்திரிகைகளாக இருந்தன. ஒன்று  'வீரகேசரி ', மற்றையது  'தினகரன்'  ! வடக்கில்  'ஈழநாடு',   'ஈழமுரசு'  ஆகியவை முக்கிய பத்திரிகைகளாக மக்கள் மத்தியில் பிரபல்யமாகியிருந்தன.    முதற் தடவையாக (1981)ல் 'வீரகேசரிக்கு' என் சிறுகதையொன்றை அனுப்பி வைத்த போது அதனைப் பிரசுரித்து, அன்பளிப்பாக 30/-ரூபா இலங்கைப் பணம் காசோலையாகவும் அனுப்பி வைத்திருந்தார்கள். கதையை அனுப்பும் போது அன்பளிப்பெல்லாம் அனுப்புவார்கள் என்ற விடயம் எனக்குத் தெரியாது. அது எனக்கு மகிழ்ச்சியையும் நெகிழ்ச்சியையும் ஏற்படுத்தியது! அது போலவே 'தினகரன்' பத்திரிகைக்கு ...

←  சக்கரியாவின் செய்தி திண்ணையின் இலக்கியத் தடம் -8  → தமிழீழம் பற்றிய ஒரு மாய யதார்த்த சிறுகதை Posted on   November 10, 2013 by   தமிழ் எழுத்தாளர் சத்யானந்தன்             1 Vote தமிழீழம் பற்றிய ஒரு மாய யதார்த்த சிறுகதை Magical realism என்றழைக்கப் படும் மாய யதார்த்தம் என்னும் வடிவம் கவிதைக்கும் சிறுகதைக்கும் இடைப்பட்ட வடிவம் என்றே நாம் கொள்ளலாம். கவிதைகளில் காணப்படும் கற்பனை உச்சமும் மிகவும் மனதைத் தாக்கும் உணர்ச்சிப் பெருக்கான வடிவங்கள் அல்லது சூழல்கள் அப்படியே நம் கண் முன் விரியும். தருக்கம் அல்லது தருக்கத்தால் தாங்கப் படும் யதார்த்தம் இல்லாத இந்த வடிவம் கிட்டத் தட்ட நம்மை ஒரு கனவுச் சூழலுக்கு இட்டுச் செல்வதால் மாய யதார்த்தம் என்றே நாம் கொள்ளலாம். சந்திரா ரவீந்திரன் என்னும் இலங்கைப் பெண் எழுத்தாளர் தமது “கடவுளின் உரை” என்னும் சிறுகதையில் இந்த வடிவைப் பயன் படுத்தி இருக்கிறார். காலச்சுவடு நவம்பர் 2013ல் வெளியாகி இருக்கும் இந்தக் கதையில் தமிழீழம் மையப் படுத்தப் படும் போது அவர் மாய யதார்த்த...

சிறுகதை கடவுளின் உரை..! சந்திரா இரவீந்திரன் மழைக்காலத்து மஞ்சள் பூக்கள் மலர்ந்து சொரிந்திருக்கும் வீதியோரங்களில் அவர்கள் நின்றிருந்தார்கள்! தலைக்கு மேலே சாம்பல் புறாக்கள் சத்தமிடாமல் பறந்து சென்றன. ரோஜாக்களின் மணம் கமழும் மெல்லிய குளிர்காற்று இடையிடையே வீசிக் கொண்டிருந்தது. கேள்விகள் ஏதுமற்ற மயக்கம் நிறைந்த பார்வைகள் தெருவெங்கும் நிறைந்திருந்தன. வார்த்தைகளும் வசனங்களும் அங்கு வலிமையற்றுப் போயிருந்தன! பிடுங்கி வீசப்பட்ட பெருமரத்து வேரின் தளைகளைப் போல் புத்துணர்ச்சி அரும்பும் வசீகர முகத்தோடு அவர்கள் நின்றிருந்தார்கள். அடிக்கடி எல்லோர் புருவங்களும் உயர்ந்து விரிந்தன. ஒருவரையொருவர் சிநேகத்துடன் பார்த்துக் கொண்டார்கள். உற்சாகமும் பெருமிதமும் நிரம்பித் ததும்பும் நிமிடங்கள் அவர்களின் முன்னால் நகர்ந்துகொண்டிருந்தன! கண் இமைக்கும் நேரங்களில் சிறகு முளைத்த வெள்ளைக் குதிரைகள் அவர்களைக் கடந்து போயின. வெற்றிப் பதாகைகளைச் சுமந்ததான புன்னகைகள் ஒன்றுடனொன்று மோதிக்கொண்டன. கிரீடம் சூட்டப்பட்ட தலைகளுடன் தாம் அழகாயும் தனித்துவமாயும் இருப்பதான பிரமையில் அனைவரும் மௌனச் சிலிர்ப்போடு வரிசையாக நின்றிருந...

நீ  விழிநீரைத்  துடைத்தெறி விரைந்தெழு வெறுந்தரையில் கோலமிடும் விரல்நகங்கள் எத்தனை நாள் தேயாமல் சதை காக்கும் நீயும் நீயும் வேறுவேறென்றான பின் நீங்களென்ன? நீயெனும் தீயை அணைக்கும் மாயையை களைந்தெறி நெஞ்சு நிறையச் சுவாசி நிதானம் கொள் தீராவலிகளை தீயினுள் பொசிக்கிடு.. தீர்க்கமாய் யோசி தலைக்கு மேலே வானம் உனக்காய் விரிந்து கிடக்கிறது! கைகளை வீசி நட கனவுடலைக் கலைத்து விடு கால்களின் கீழ் பூமி உனக்காய் காத்துக் கிடக்கிறது!  சுயம் காண் உள்ளினுள் தெரியும் ஒளி நெஞ்சு நிமிர்த்தி நிசங்களை நேர்கொள் உனக்கான காலம் உன்னருகில் நிற்கும் திரும்பிப் பார் தலைகீழ் உலகம் சிரிப்பூட்டும் நீ இப்போது நீயாகிறாய்! - சந்திரா இரவீந்திரன்

அறுபதாவது அகவைகானும் ஈழத்தலைவனை வாழ்த்தி. ......... அருமறை நான்கும்  அட்டனைக்கால் போட்டு  அமர்ந்திருக்கும் மாமுனி - எங்கள்  தங்கத் தலைவர் பிரபாகரன் நாநுனி  திங்களின் உருவாய்த்திகழும் - எம்  தலைவன் தித்திக்கப் பிறந்தநாளில்  எத்திக்கும் முரசறைந்து எதிரொலி செய்வோம்!  எங்கள் வாழ்த்துக்கள் முழங்க என்றும்... ஏற்றம் பெற தமிழர் குலம்  சீற்றம் கொண்ட சித்தராய் வந்தார் காற்றினில் கலக்க கார்த்திகை மாதம்  கருவினிலிருந்து வெளியினில் வந்தார் சாந்திய திகதியன்று இருபத்தி ஆறு என்று  கூற்றியலுக்கரும் நாட்காட்டி. போற்றியே எம் தலைவன்  ஏட்டிலே எழுந்து நிற்கும்  பாட்டிலே பகர்வோம் வாழ்த்து! அறுபது  அகவையென்று  அகத்திலே மகிழ்ச்‌சி கொண்டு  அண்ணனை வாழ்த்துகிறோம்  ஆயிரம் முறை நீ வாழ்க என்று ! அகிலத்தில் எளிவிளக்காய்  தமிழர் தம் வாழ்வுதனில்  அவதரித்த தேவமகன்  தேர் இருத்தி புலிக்கொடியை  தேசமதை காத்த மகன்  பாரினிலே பகை நடத்தி பாரதத்தை வெ...

பிறந்தநாள் வாழ்த்து! எமக்கு இறைவன் தந்த பெரும் சொத்தே! எமது இனத்தைக் காக்கப் பெரும் விருட்சமாகிய எமது அண்ணனே! காலம் எமக்களித்த தமிழீழத்தின் தாயானவனே! தமிழீழத்தின் துயர் துடைக்கவென உங்களை இந்நாளில் பிரம்மன் தந்தானண்ணா! உம்முடன் நாம் உம் பிறந்தநாளில் உணவுண்டு களித்தோமண்ணா! இப்போ உம் பிறந்தநாளில் - உம் வதனம் தேடி ஏங்கித் தவிக்கின்றோம்! எங்கள் அன்பான அண்ணனே! எங்கு தான் நீங்கள் இருந்தாலும் மறுபடியும் உங்கள் பிறந்தநாளில் உங்கள் கரத்தால் நாம் உணவுண்ண வரவேண்டும்! என்றும் அண்ணனின் புகழ் வாழவேண்டும்! எங்கள் அண்ணன் பாதத்தின் பின் எம் பாதங்கள் பதிய வேண்டும்! என்றென்றும் எமக்கு வழிகாட்டும்  நாயகனாய் திகழ வேண்டும் ! அடுத்த வருடம் உங்களருகில் நாம் உங்களை வாழ்த்துவோமண்ணா! தங்களுக்கு என்றுமே நம் சிரம்தாழ்ந்த பலவண்ணப் பிறந்தநாள் வாழ்த்துக்கள்! எங்கிருந்தாலும் தங்களுக்கு எங்கள் நெஞ்சம் நிறைந்த வாழ்த்துக்களண்ணா! -போராளி செ.நிமலன்

சந்திரா இரவீந்திரனின் நூல் வெளியீட்டு நிகழ்வு - இலண்டனில் திருமதி.சிவா தியாகராஜா அவர்களிடமிருந்து திரு.கைலாயபதிவாகன் அவர்கள் 'நிலவுக்குத் தெரியும்' முதற் பிரதியினைப் பெற்றுக் கொள்கிறார். செல்வி.துரைச்செல்வி பொன்னுத்துரை அவர்கள் ஆய்வுரை யமுனா ராஜேந்திரன் அவர்கள் ஆய்வுரை பத்மநாப ஐயர் அவர்கள் வெளியீட்டுரை சிவஸ்ரீ கமலநாதக்குருக்கள் அவர்கள் ஆசியுரை திருமதி.நளாயினி இந்திரன் அவர்கள் ஆய்வுரை திரு.பற்றிமாகரன் அவர்கள் ஆய்வுரை செல்வி.தர்ஷியா இரவீந்திரகுமாரன் அவர்களின் வீணை இசையுடன் நிகழ்ச்சி ஆரம்பம் - இணையிசை மிருதங்கம் - திரு.குமரன் இரவீந்திரதாஸ் நன்றியுரை - செல்வன்.ரிஷியன் இரவீந்திரகுமாரன்

சந்திரா இரவீந்திரன் அவர்களின் 'நிலவுக்குத் தெரியும்' சிறுகதைத் தொகுப்பு நூல் வெளியீட்டு நிகழ்வு 08-01-2012 அன்று சென்னையில் 'காலச்சுவடு' தலைமையில் இடம்பெற்றது. நூலை வெளியிட்டு வைத்தவர் - தீராநதி, குமுதம் ஆசிரியர் குழு - உமா சக்தி  அவர்கள். முதற் பிரதியைப் பெற்றுக் கொண்டவர் - கவிஞர் சேரன் அவர்கள்.

                                                                                                         கனவுச் சாம்பல் படர்ந்த மனிதர்கள் இறந்தபடியே திரிகிறார்கள்... உயிரைத் தேடும் ஆர்வமின்றி தேய்ந்த உடல்களை அலையவிட்டபடி தினமும் அவர்கள் வாழ முனைகிறார்கள்... இறந்தபடியே வாழ்வது இப்போ அவர்களுக்கு வசதியாயிற்று..! மீண்டும் உயிரைச் சுமக்கும் எண்ணமேதும் இப்போதைக்கில்லை.... உயிர்கள் அவர்களுக்கு மிகவும் பாரமாயிற்று.. அவற்றின் காவுதல்கள் பெரும் அபாயமாயிற்று..! அவை பற்றிப் பேசுவதும் விவாதிப்பதும் கூட கடும் பயங்கரவாதமாயிற்று..! மௌனத்தை இறுகப்பற்றியபடி இறந்தபடியே நடப்பது வசதியாகப் போயிற்று...! இறந்தபடியே வாழும் மனிதர்களின் இனப்பெருக்கம் வரலாற்றைத் தொலைத்தபடி சிதறிச் செல்கிறது... சிதைந்த கனவுகளும் நசிந்த நினைவுகளுமாய் ...

மணிரத்னம் படங்கள் எல்லாமே ஏதோ ஒரு அதிர்வை இரசிகர்கள் மத்தியில் ஏற்படுத்தியிருக்கிறது என்பது உண்மை – 'இராவணணை'த் தவிர! மௌனராகம், அக்கினி நட்சத்திரம், நாயகன், இதயத்தைத் திருடாதே, தளபதி, கன்னத்தில் முத்தமிட்டால், இருவர், குரு......என்று அவரின் இயக்கத்தில் உருவானவை அனைத்தும் இதில் அடங்குகின்றன. புதிய தொழில் நுட்பத்தை, புதிய கமெராக் கோணங்களை, நவீன ஒளியமைப்பு, ஒலியமைப்பு என்று ஏகப்பட்ட விசயங்களில் புதுமைகளை தமிழ் சினிமாவில் புகுத்தி அதிரடித் தாக்கங்களை ஏற்படுத்தியவர். இதனால் மணிரத்னம் படங்களை ஒரு உயர் இரசிகத் தனத்துடன் எதிர்பார்த்துப் போகும் இரசிகர்களுக்கு 'இராவணன்' ஏமாற்றத்தையே ஏற்படுத்தியது என்று கூறலாம்! உயிரே, கன்னத்தில் முத்தமிட்டால்....ஆகிய திரைப்படங்கள் ஈழத்து அரசியலுடன் இணைந்த கதையாக அமையப்பெற்றிருந்ததனால்....இத்திரைக் கதைகளில் மணிரத்னம் அவர்களின் பிழையான பார்வைகள் கரிய பெரும் கோடுகளாக ஈழத்தமிழ் இரசிகர்களை உறுத்திக் கொண்டிருந்தன என்பது மறுக்க முடியாதது! இது அந்தப் படங்களின் அற்புதமான பக்கங்களையும் இரசிக்க விடாமல் இரசிகர்களை இடையூறு செய்த வண்ணமிருந்தன. அதிலும...